စ-ဆုံး Legend of Fei ဇာတ်လမ်းတွဲဟာ နာမည်ကျော်မင်းသားချော ဝမ်ရိပေါ်နဲ့ မင်းသမီးချော ကျောက်လိရင်တို့ အားပြိုင်ထားတဲ့ သိုင်းလောကနောက်ခံ အချစ်ဇာတ်လမ်းကောင်းတစ်ပုဒ်ဖြစ်ပါတယ်။ ဒီဇာတ်လမ်းကို လူကြိုက်များလှတဲ့ Priest ရဲ့ ဝတ္ထုကို အခြေခံပြီး ပြန်လည်ရိုက်ကူးထားတာဖြစ်ပြီး ကျိုးဖေဆိုတဲ့ မိန်းကလေးတစ်ယောက်က သိုင်းလောကရဲ့ ထိပ်တန်းဓားသိုင်းရဲကောင်းတစ်ယောက် ဖြစ်လာပုံကို ပုံဖော်ထားတာပါ။ လွန်ခဲ့တဲ့ နှစ်ပေါင်းများစွာက သိုင်းလောက ရှုပ်ထွေးနေတဲ့အချိန်မှာ သူရဲကောင်းကြီး လီဝေးဟာ တောင်စခန်း (၄၈) ခုကို တည်ထောင်ခဲ့ပါတယ်။ လီဝေး ကွယ်လွန်ပြီးနောက်မှာတော့ သူ့ရဲ့သမီးဖြစ်သူက ခေါင်းဆောင်နေရာကို ဆက်ခံခဲ့ပြီး သမီးလေး ကျိုးဖေကို မွေးဖွားခဲ့ပါတယ်။ ကျိုးဖေ အသက် (၁၃) နှစ်အရွယ်မှာ ရှီးမော့မြစ်ကို ဖြတ်ကူးရင်း အသက်အန္တရာယ်နဲ့ ကြုံတွေ့ခဲ့ရပေမဲ့ ရှဲ့ယွင်ဆိုတဲ့ ကောင်လေးက ကယ်တင်ပေးခဲ့တာကြောင့် သူတို့နှစ်ယောက်ရဲ့ ရေစက်က စတင်ခဲ့ပါတယ်။ နောက်ထပ် ၃ နှစ်အကြာမှာတော့ ကျိုးဖေနဲ့ ရှဲ့ယွင်တို့ဟာ ပြန်လည်ဆုံတွေ့ခဲ့ကြပြီး သိုင်းလောကရဲ့ ရှုပ်ထွေးလှတဲ့ ကိစ္စရပ်တွေကြားထဲကို အတူတူပါဝင်သွားခဲ့ကြပါတယ်။ လူဆိုးတွေရဲ့ လိုက်လံသတ်ဖြတ်မှုတွေနဲ့ လှည့်ကွက်တွေကြားမှာ ကျိုးဖေနဲ့ ရှဲ့ယွင်တို့ဟာ ဘယ်လိုရင်ဆိုင်သွားကြမလဲဆိုတာ စိတ်ဝင်စားစရာပဲဖြစ်ပါတယ်။ ကျိုးဖေကတော့ နောက်ပိုင်းမှာ ဖော့ရွှယ်ဓားသိုင်းကွက်နဲ့ သိုင်းလောကမှာ နာမည်ကြီးလာခဲ့ပြီး သူတို့နှစ်ယောက်ရဲ့ အချစ်ဇာတ်လမ်းကလည်း ကြည့်ရှုသူတွေကို အသည်းယားစေမှာ သေချာပါတယ်။
CM FLIXSTREAM HUB